Вејн Руни и Сер Алекс Фергусон работеа заедно девет години, од 2004 до 2013 година. Во тие девет години постигнаа многу успеси и имаа одлична соработка, а не е тајна дека и денес се во контакт и дека редовно се слушаат.
Поранешниот репрезентативец на Англија пред неколку дена се појави на подкаст заедно со другите легенди на англискиот фудбал, Гери Невил, Рој Кин и Јан Рајт.
Невил покрена тема за контактирање на поранешните тренери и ги праша присутните дали се слушнале со некој од нив.
„Секогаш кога добивам отказ добивам порака од Сер Алекс Фергусон“, изјави Вејн Руни.
„Секогаш се зборови на утеха и поддршка како „Само продолжи“ и слични работи“, додаде поранешниот англиски напаѓач.
Руни беше еден од најдобрите напаѓачи на својата генерација, а како играч освои се што требаше да се освои со Манчестер Јунајтед.
Сепак, неговата тренерска кариера не е толку светла како што беше како играч. На почетокот имаше солидни резултати со тимот на Дерби Каунти, но после тоа се тргна надолу.
Лошите епизоди во Д.С. Јунајтед, Бирмингем Сити и последната во Плимут Аргајл не навестуваат добро за тренерската кариера на Англичанецот.
Моментално е без тренерски ангажман, а во последно време повеќе се занимава со медиумска работа и гостувања во разни емисии.
Од друга страна, не треба да трошиме многу зборови за Сер Алекс Фергусон. Доволно е да се каже дека тој е најуспешниот и најтрофејниот тренер што некогаш го видел англискиот фудбал.
ИЗДВОЕНИ
НАСА ќе ја спасува Земјата со награда за изум од три милиони долари!
Само Бони имала секс со повеќе од 1.000 мажи во еден ден: Фудбалер на Ливерпул сакаше оргии со мажи!
Заборавете на вештачките бои: Како на природен начин да ги вапсате велигденските јајца?
Камерите се поставени: На дното на познато езеро се чека да се појави чудовиште?! (ВИДЕО)
