„Ве напушти затоа што сте ср*ње“

Во 30. коло од англиската Премиер лига, Нотингем Форест го совлада Манчестер Јунајтед со минимални 1:0.

Единствениот и решавачки гол на овој меч „падна“ во петтата минута, а го постигна Ентони Еланга, кој е поранешен играч на „црвените ѓаволи“.

По голот на Еланга, навивачите на Нотингем Форест решија да ги испровоцираат гостинските навивачи. Ве напушти затоа што сте ср*ње, Еланга си замина затоа што сте ср*ње!“

Репрезентативецот на Шведска навистина „процвета“ откако го напушти Манчестер Јунајтед, и игра одлично во дресот на популарните „шумари“.

Кога е во прашање актуелната сезона, крилниот напаѓач одигра 34 натпревари на кои постигна шест гола и додаде девет асистенции.

Нотингем Форест со право е една од најдобрите приказни оваа сезона во Англија и сосема заслужено е на третата позиција на табелата која гарантира настап во Лигата на шампионите.

Од друга страна, за Манчестер Јунајтед местото кое води во Лигата на шампионите засега е само научна фантастика.

„Црвените ѓаволи“ се наоѓаат на очајното 13. место, кое е доволен доказ за резултатите кои избраниците на Рубен Аморим ги постигнуваат во актуелната сезона.