Вдовицата на Навални повикува на борба за „слободна и мирна“ Русија на годишнината од смртта на сопругот

Руската опозиционерка Јулија Навални, вдовица на покојниот Алексеј Навални, во неделата ги повика приврзаниците да се борат за „слободна, мирна“ Русија, една година по смртта на нејзиниот сопруг во затвор.

„Знаеме зошто се бориме: за идна Русија која е слободна, мирна и убава. Можна е онаа за која сонуваше Алексеј, направете се за да го остварите неговиот сон“, рече Навални во видеото објавено на годишнината од смртта на нејзиниот сопруг, кој беше главен политички противник на рускиот претседател Владимир Путин.

Јулија Навални обвини дека Москва дури и се обидува да го избрише споменот на нејзиниот покоен сопруг во видеото објавено на годишнината од неговата смрт.

Властите за смртта на Навални, објавена на 16 февруари 2024 година, рекоа дека причините се природни – ненадеен скок на крвниот притисок и хронични болести.

Неговото семејство и сојузниците го отфрлаат тоа и инсистираат дека тој бил убиен по наредба на Кремљ – обвинувања што неговите официјални лица ги негираат.

Десетици илјади луѓе присуствуваа на неговиот погреб во Москва на 1 март во ретка манифестација на пркос во земја каде што каков било уличен митинг или дури и поединечни собири често резултираат со итно апсење.

Со денови потоа луѓето носеа цвеќиња на неговиот гроб.

Во видео обраќање, Навални им се заблагодари на Русите кои ја поддржаа и оддадоа почит на гробот на Наванлни во Москва.

Амбасадорите на САД и Велика Британија положија цвеќе на гробот на Навални на московските гробишта рано утрово заедно со Русите кои дојдоа да го оплакуваат починатиот опозициски лидер.

Денеска се очекуваат комеморации и протести ширум светот.