„Вашингтон пост“: Пентагон се подготвува само за војна со Кина, на Европа ѝ се оставаат заканите од Русија и другите жаришта

Ограничен со работна сила и ресурси Пентагон, како што се вели, ќе врши притисок врз сојузниците во Европа, Блискиот Исток и Источна Азија да ја зголемат сопствената одбрана и да го преземат најголемиот дел од работата за одвраќање на заканите од Русија, Северна Кореја и Иран. Се наведува дека САД на Европа ќе ѝ пружи нуклеарно одвраќање, но НАТО ќе може да се потпре само на американските сили кои не се потребни за одбрана на матичната земја или за одвраќање на Кина.

Пентагон се подготвува исклучиво за една голема војна – со Кина, додека Европа треба да се справува со заканата од Москва.

Ова се сугерира со документ со назнака „тајно/ без пристап на странски државјани“, потпишан од американскиот секретар за одбрана Пит Хегсет, кој во средината на март бил дистрибуиран низ Пентагон. Документот, до кој дојде „Вашингтон пост“, го прикажува спроведувањето на визијата на претседателот Доналд Трамп за подготовка за потенцијална војна со Пекинг и одбрана на американските интереси во непосредното соседство, кое ги вклучува Гренланд и Панамскиот канал. Исто така, ја повикува војската да се вклучи подиректно во борбата против илегалната миграција и трговијата со дрога. Хегсет јасно дава приоритет само на едно сценарио: спречување на кинеското освојување на Тајван. Се друго е споредно.

Пентагон, oграничен со работна сила и ресурси, како што се вели, ќе врши притисок врз сојузниците во Европа, Блискиот Исток и Источна Азија да ја зголемат сопствената одбрана и да го преземат најголемиот дел од работата за одвраќање на заканите од Русија, Северна Кореја и Иран. Се наведува дека САД на Европа ќе и пружи нуклеарно одвраќање, но НАТО ќе може да се потпре само на американските сили кои не се потребни за одбрана на матичната земја или за одвраќање на Кина. Јасно е нагласено дека САД повеќе нема да испраќаат поголеми сили на Стариот континент бидејќи нивните приоритети се на друго место. Тоа практичнo е признаниe дека САД нема да обезбедат помош за Европа во случај на руска воена офанзива. Директивата на Хегсет повикува на повлекување од повеќето региони во светот, вклучувајќи го и Блискиот Исток.

„Вашингтон пост“ oткрива дека документот на Хегсет од девет странци се потпира на извештај на фондацијата Херитиџ од минатата година, во кој се наведени три приоритети: одвраќање на кинеската инвазија на Тајван, одбрана на САД и зголемување на придонесот на сојузниците.

Во документот од Тајван се бара да го зголеми буџетот за одбрана, а се споменуваат и неодредени закани за Америка од „блиското соседство“, како Гренланд и Панамскиот канал.

Пентагон и „Херитиџ“ не го коментираа документот чија содржина ја објави „Вашингтон пост“.