Кај Вараждин се пронајдени тела на две бебиња кои биле закопани во дворот на семејната куќа. Родителите се уапсени и над нив се спроведува криминалистичко истражување.
Третото дете на семејството е згрижено.
„Полициски службеници од ПС Вараждин добија пријава поради сомнение за сторено кривично дело повреда на правата на децата на подрачјето на општина Љубешчица.
Полициски службеници во соработка со Жупаниското државно правобранителство во Вараждин спроведуваат кривична истрага против две лица. Наведените лица се предадени на надзорникот на ПС Вараждин, а против нив ќе биде поднесена кривична пријава за кривичното дело од член 177 од Кривичниот законик, Повреда на правата на децата од ставови 1 и 2 во однос на четиригодишно дете и од став 4 во однос на две деца.
Имајќи ја предвид заштитата и благосостојбата на детето, не можеме да соопштиме повеќе детали за овој настан“, велат од полицијата.
Родителите на две доенчиња, кои се пронајдени закопани во дворот на семејната куќа во Љубљи Калнички на подрачјето на оштина Љубешчица, времето во притвор, го поминуваат читајќи ја Библијата, не разговараат и се молат. Таткото сплиќанец роден 1982 година, а мајката е загрепчанка и немаат исто презиме, пренесува
Jutarnji повикувајќи се на извори блиски на истрагата.
Двојката во своите четириесетти не е пријавена на подрачјето на општината во која живее. Началникот на Љубешчица Ненад Хорватиќ веќе претходно изјави за медиумите дека лицата не им се познати и дека неодамна се дослиле во тој крај.
