Меѓународниот олимписки комитет (ИОК) дозволи учество на две боксерки кои минатата година беа суспендирани од Светското првенство бидејќи се сметаат за биолошки мажи, да настапат женскиот боксерски турнир на Олимписките игри во Париз. Станува збор за Имане Келиф од Алжир и Лин Ју-Тинг од Тајван.
Келиф и Ју-Тинг потоа беа суспендирани со одлука на Меѓународната боксерска федерација (ИБА), која управува со најголемите натпреварувања во овој спорт.
- ДНК-тестот докажа дека тие имаат XY хромозоми и соодветно беа исклучени од натпреварувањето, изјави во тоа време претседателот на ИБА, Умар Кремлев.
Во меѓувреме, односите меѓу ИОК и ИБА се влошија, поради што ИБА беше исклучена од организацијата на боксерски турнири на Олимписките игри, па сега е одговорност на ИОК, кој донесе поинаква одлука во однос на Келиф и Ју-Тинг.
Келиф во кариерата има учинок од девет победи и пет порази, а Ју-Тинг од 19 победи и пет порази. По дисквалификацијата на Келиф минатата година, Мексиканката Брианда Тамара го опиша сопственото искуство од борбата со неа.
- Кога се борев со неа, бев надвор од себеси. Нејзините удари ме повредија толку многу, мислам дека никогаш не сум се чувствувала така во моите 13 години боксување. Ниту во спаринг со мажи не ми било толку тешко како тој ден во рингот, опиша Тамара.
Според научните истражувања, просечната сила на удар е за 162 отсто поголема кај луѓето кои поминале низ машки пубертет. Ненси Хогсхед, американска пливачка и сопственичка на три златни медали, реагираше на одлуката на ИОК.
- Имане Келиф од Алжир и Лин Ју-Тинг од Тајван треба да се натпреваруваат во женскиот олимписки бокс – и покрај тоа што беа дисквалификувани минатата година поради XY хромозомот, машки фенотип. Да се потсетиме дека мажите – како и да се идентификуваат – имаат 162 проценти повеќе удари од жените, што е најголемата разлика во перформансите меѓу мажите и жените. Половата идеологија ќе доведе до смрт кај жените.
