За време на протестот во Нов Белград, на улица Јуриј Гагарин, студентка е удрена од автомобил.. Таа е тешко повредена и пренесена во болница, објави ФоНет.
Жената која го управувала автомобилот исфрлила неколку полицајци од страната на патот, додека повредената девојка ја носела на хаубата, како што може да се види на видеото. Повредената девојка е пренесена во Ургентниот центар. Како што подоцна беше соопштено, таа е свесна, комуникативна и ќе и биде извршена дијагностика за да се утврдат повредите.
Вишото јавно обвинителство и одреди притвор на М.С. 25 години, која го управувала автомобилот, а која се товари за тешко убиство во обид, дознава Н1. Нејзе и е одредена мерка притвор во траење од 48 часа.
М.С. се сомничи дека делото го извршила додека управувала автомобил марка „Цитроен“, на тој начин што на блокадите го стартувала возилото од местото каде што било паркирано и удрила во две лица, од кои едното се здобило со повреди на главата.
„Уште еднаш бевме сведоци на автомобил кој прегази наша колешка студентка. Најостро го осудуваме секој таков чин“, се вели на Инстаграм профилот Студенти во блокада.
„Се надеваме дека нашата колешка колега ќе биде добро, а на јавноста и порачуваме – нема да не газите.
Во Белград и во другите градови во Србија беа одржани масовни сообраќајни блокади, иницирани од студенти, а десетици компании и поединци ја прекинаа работата во петокот во согласност со повикот за генерален штрајк.
