УНИШТЕН „ЛЕТЕЧКИ КРЕМЉ“? Украинците со американски проектили го гаѓале воениот аеродром и го уништиле „авионот за судниот ден“ на Путин/ФОТО/ВИДЕО

Од страна на
Вечер
-
382
epa09101004 Russian President Vladimir Putin addresses on the occasion of the Day of the National Guard Troops, in Moscow, Russia 27 March 2021. EPA-EFE/MIKHAIL KLIMENTYEV / SPUTNIK / KREMLIN POOL MANDATORY CREDIT

Украински проектили со долг дострел, кои таргетираат цели во Русија, наводно погодиле голем воен центар во кој се наоѓа авионот „Летечки Кремљ“ на Владимир Путин, кој му служи на рускиот лидер за „судниот ден“.

Како што претходно беше објавено на каналите на Телеграм и на социјалната мрежа Х, украинските сили го нападнаа Таганрог, град со четвртина милион жители во Ростовската област, предизвикувајќи десет силни експлозии.

Првичните извештаи говореа дека Украинците гаѓале две можни цели: aвиокомпанијата „Бериjев“ која ги одржува некои од најважните авиони на Путин и фабриката „Красни Хидропрес“, која ги прави клучните ракетни компоненти и е дел од Руската тактичка ракетна корпорација.

Авионот на Путин „Иљушин Ил-80 Макдоме“, кој е планиран за употреба во нуклеарна војна, се одржува во фабриката Бериjев, пишува Дејли Мејл.

Фабриката ги опремува и руските шпионски авиони А-50 за рано предупредување и контрола (AEV&C), од кои два беа соборени во војната, а секој од нив чини 260 милиони фунти.

На социјалните мрежи беше објавено дека на воениот аеродром се упатиле голем број противпожарни возила, а мештаните слушнале најмалку десет експлозии.

Не е јасно колкава е штетата, но опожарени се 14 автомобили паркирани во објектот, познат и како Научно-технички авијациски комплекс на Беријев.

Некои руски извори рекоа дека Украина ги користела своите нови домашно произведени дрон ракети „Палјаника“ за напад на Таганрог, но тоа не е потврдено.

Други извештаи покажаа дека биле користени проектили ATACMS испорачани од САД.

Русија постојано предупредуваше дека употребата на оружје од Украина за напад на нејзина територија ризикува да предизвика поширока војна.

Градоначалничката на Таганрог, Светлана Камбулова, изјави дека погодената област е опколена од полициски службеници.

„Ќе има премер на територијата во радиус од еден километар“, додаде таа.

Вршителот на должноста гувернер на Ростовската област, Јуриј Сљусар, призна дека е оштетено индустриско претпријатие, но не соопшти детали.

Според првичните податоци нема повредени.

Фабриката за авиони се смета за клучна за воените напори на Путин, како и ремонтот на авиони што ги користат военото воздухопловство и морнарицата и авиони за специјална намена како што се авионите за рано предупредување и контрола на Ил-80 Максдом и А-50.

Во одвоен напад цел беше и фабрика за производство на нафта во пограничниот регион Брјанска.

ИЗДВОЕНИ

ПОВРЗАНИ ОБЈАВИПОВЕЌЕ ОД АВТОРОТ