Владимир Грчев, ученик во IX-то одделение од ООУ „Братство” во Kaрпош се закити со златен медал на 29-та Македонска (јуниорска) олимпијада по информатика.
За Владимир ова е едно од многуте признанија и медали што ги има освоено во текот на неговото основно образование. Тој има освоено по еден златен и сребрен и два бронзени медали на Македонската (јуниорска) олимпијада по информатика, потоа две бронзени медали на Европската и Балканската олимпијада по информатика, три олимписки пофалници од Балканската олимпијада по информатика за средношколци, Европската и Јуниорско балканската олимпијада.
Владимир уште како четвртооделенец се натпреварува и три пати до сега е државен првак по информатика.
Постојано учествува и на натпревари надвор од нашата земја, каде што освојува награди и медали, со што ученикот Владимир Грчев е надарено и талентирано дете кое покажува извонредни резултати и високи интелектуални способности.
– Можеме само да му посакаме да продолжи со вакви високи постигнувања на следните натпревари и олимпијади – соопштија од Општина Карпош.
ИЗДВОЕНИ
Граѓаните сами да ги читаат броилата за да не плаќаат астрономски сметки за струја
Ќе се најде ли чаре за радиоактивниот облак кој со години ја труе пола Македонија!?
Како девојчето што го љубел папата Франциск во детството ја одреди судбината на Католичката црква
Каков би можел да биде новиот папа? Одговор дава вештачката интелигенција!
