Директорот на училиштето, Сашо Недески, појаснува дека раководството на училиштето нема речиси никаква врска со начинот и постапката за набавување на матурските наметки и капи. – Иницијативата за набавката произлезе од самите ученици, тие самите се организираа, беа спроведени и анкети меѓу нив, а потоа процедурата за набавка беше одобрена и од Советот на родители. Самиот Совет на родители ги разгледа понудите, од кои беше избран набавувавачот. Дури и овозможено им е средствата од 450 денари што, да нагласам воопшто и не ги собира училиштето, да ги плаќаат на две рати, рече Недески
Родители на ученици од електро-машинскиот училишен центар „Свети Наум Охридски“ од Охрид преку писмо доставено до медиумите реагираат на набавката на наметки и капи за матурантите од средношколската установа.
Во писмото се посочува дека сите ученици од училиштето, од прва до четврта година били принудени да плаќаат по 450 денари за наметките наменети за матурантите. Притоа, уште се наведува дека парите за набавка ги собирале класните раководители, дека таа опрема била наменета и за фотографирањето на учениците од завршните години, што според дописот, за матурантите од оваа учебна година веќе било завршено.
– Очигледно е дека раководството на средното охридско училиште е погодено од економската криза во Македонија и има потреба од дополнителни приходи, па дури користат ученици од ранливи категории со цел зголемување на нивниот приход – пишува во писмото на родители на ученици, кои бараат и одговор и објаснување од директорот на центарот и од раководство, додека од надлежните институции и невладините организации бараат да застанат на страната на средношколците и нивните родители.
Директорот на училиштето, Сашо Недески, појаснува дека раководството на училиштето нема речиси никаква врска со начинот и постапката за набавување на матурските наметки и капи.
– Иницијативата за набавката произлезе од самите ученици, тие самите се организираа, беа спроведени и анкети меѓу нив, а потоа процедурата за набавка беше одобрена и од Советот на родители. Самиот Совет на родители ги разгледа понудите, од кои беше избран набавувавачот. Учениците и родителите си го избраа изработувачот, сами и си ги собират средствата, училиштето нема никаква врска со процедурата. Дури и овозможено им е средствата од 450 денари што, да нагласам воопшто и не ги собира училиштето, да ги плаќаат на две рати – рече Недески.
Матурските наметки со лого на средното училиште веќе се вообичаена практика меѓу учениците од останатите средношколски установи во Охрид.
