Во Ирска е уапсен 30-годишен маж, осомничен дека ја убил Хрватката Мирјана Пап (58), пишува The Irish Times.
Нејзиното исчезнување беше пријавено во Вестмит минатиот викенд, а нејзините посмртни останки беа пронајдени во понеделникот.
Ирските медиуми пишуиваат дека уапсениот маж бил лице од интерес уште од почетокот на истрагата за убиство.
Полицијата се сомнева дека Пап била насилно нападната во својот дом во Атлон минатата сабота наутро пред нејзиното тело да биде однесено во подрачје оддалечено 10 километри од нејзината куќа каде што беше и пронајдено.
Пап, по потекло од Хрватска, според Ајриш тајм живеела во Ирска дваесетина години. Полицијата верува дека пред нејзината смрт била загрижена за сопствената безбедност и кажувала дека стравува од машко лице кое не го познава.
