Уапсен Јутјубер кој ги учел своите следбеници како да прават експлозиви

Шпански јутјубер, кој има повеќе од милион следбеници, е уапсен под обвинение дека преку својот канал давал инструкции за правење експлозиви, објавија шпанските медиуми.

Уапсениот Јутјубер по име Алберто Хром (28) емитувал 60 туторијали во кои детално опишал како се прават видови на експлозиви како барут или фрлач на пламен, пишува весникот „Ел Паис“.

На почетокот на своите видеа, јутјуберот прво ги замолил своите следбеници да се претплатат на неговиот канал за да го финансираат она што ќе им го прикаже. Потоа, чекор по чекор, ќе опише како се произведуваат експлозивни материи од различни видови и ќе ги објасни нивните деструктивни ефекти.

Јутјуберот ги негираше наводите, наведе шпанскиот весник.