Полицијата уапсиле брачен пар од Арачиново кои биле пријавени од страна на кумановка дека не сакале да и го вратат бебето кое им го дала на привремено чување. Според СВР Куманово, 41-годишната кумановка пријавила дека брачниот пар не сакале да ѝ го вратат детето, кое им го оставила на чување.
Од она што таа го раскажала во полиција, целата работа почнала пред четири месеци додека била бремена, се запознала со сопружниците, кои ѝ понудиле помош во пари откако ќе се породи. По раѓањето на бебето на 18 февруари, таа на 20-ти излегла од болница и наводно, на нивен предлог, потпишала нотарска изјава за привремено згрижување.
-Била пречекана од А.М. и А.М., кои и предложиле да потпише изјава кај нотар за да може бебето неколку дена да остане кај нив, на 21.02.2025 таа го оставила бебето во нивниот дом и А..М.(39) и дал пари, а кога побарала на 23.02.2025 да си го земе, тој не ѝ го дал со образложение дека ќе остане кај нив, велат од МВР.
На 24 февруари после полноќ полицијата ги привела сопружниците, а по целосно документирање на случајот ќе следи соодветна пријава против нив.
