Потона туристичкиот брод „Си стори“ со 45 патници во близина на брегот на египетското одморалиште на Црвеното Море. „Сан“ пишува дека на бродот имало 31 турист од различни националности и 14 членови на екипажот. Египетските власти соопштија дека 28 лица се спасени, а 17 се водат како исчезнати.
Генерал-мајор Амр Ханафи рече дека преживеаните се пронајдени во областа Вади ел-Гемал, која се наоѓа јужно од Марса Алам, и дека ја добиваат потребната медицинска нега.
Тој додаде дека воениот брод на египетската морнарица „Ел Фатех“ и воените авиони ги интензивираат напорите за лоцирање на исчезнатите. Инцидентот се случил околу 5 часот и 30 минути кога туристите тргнале на нуркање и бродот испратил сигнал пред да се изгуби секаков контакт со него.
31 tourists missing after boat sinks as rescue operation launched https://t.co/3ZYn13ZMWr pic.twitter.com/bYf0N4N0Yc
— The Sun (@TheSun) November 25, 2024
Египетската морнарица мобилизираше хеликоптери и поморска единица во потрага по исчезнатите туристи. Спасувачките операции се во тек, а властите се обидуваат да најдат преживеани во водите на Црвеното Море.
Контролниот центар ги алармирал различните власти, вклучително и Центарот за поморско спасување, а тимовите за пребарување и спасување започнале големи спасувачки операции.
