Трикови со кои ќе го продолжете животниот век на батеријата на мобилниот телефон

Во време кога луѓето постојано користат мобилни уреди за работа, забава и комуникација, проблемот со брзото трошење на батериите станува се поизразен.

Секој барем еднаш се нашол во ситуација кога батеријата на паметниот телефон му се потрошила токму кога му била најпотребна. Иако современите уреди нудат многу функционалности, траењето на батеријата често станува главна пречка, но и ова може да се реши.

За среќа, постојат неколку ефективни методи што можете да ги користите за значително да го продолжите траењето на батеријата на вашиот уред со Android помеѓу полнењата.

Секогаш вклучениот екран, иако е корисна карактеристика што го прикажува времето и известувањата кога екранот е заклучен, е еден од најголемите потрошувачи на енергија. Производителите често тврдат дека оваа функција троши само еден до два проценти од батеријата на час, но вистинската потрошувачка често е многу поголема.

Со исклучување на оваа опција во поставките (обично под „Екран“ или „Заклучен екран“) може значително да го продолжите траењето на батеријата.

Адаптивната батерија е напредна функција вградена во системот Андроид која користи вештачка интелигенција за оптимизирање на потрошувачката на енергија. Системот ги следи вашите навики за користење и автоматски ја ограничува активноста на апликациите што ретко ги користите.

Оваа функција можете да ја активирате во поставките за батеријата, а резултатите се веќе видливи по неколку дена користење.

Темниот режим е особено ефикасен на Samsung и други уреди со AMOLED екрани. Кај овие екрани црната боја значи дека поединечните пиксели се целосно исклучени, што значително ја намалува потрошувачката на енергија.

Со активирање на темниот режим, не само што заштедувате батерија, туку и го намалувате напрегањето на очите.