Еден час по полноќ во Македонија се регистрирани три земјотреси, од кои најсилниот со јачина од 3.2 степени според Рихтеровата скала.
Според првичните податоци од Европско-медитеранската сеизмолошка опсерваторија (ЕМСЦ), првиот замјотрес бил најсилен во 1:12 часот, со епицентар во близина на Дојран, на длабочина од 11 километри. По само една минута, на истото место имало помал потрес од 2.2 степени.
Десетина минути подоцна, се затресе и во Скопје, а земјотресот, исто така според првичните информации, бил на длабочина од 13 километри, со јачина од 2.5 степени и епицентар кај граничниот премин „Блаце“ кон Косово.
