Шпанскиот голгетер Алваро Мората (31) го напушта Атлетико Мадрид и сака да се врати во Италија, пишува Фабрицио Романо. Шпанскиот капитен сака по трет пат да се врати во Јувентус.
- Приоритет на Мората е да се врати во Италија. Тој го чека Јувентус, сака да се врати таму и се надева на него – вели Романо во својата изјава.
Мората ја започна кариерата во Реал Мадрид, а од 2014 до 2016 година беше во Јувентус. Потоа се врати во Реал, кој го продаде на Челзи. Мората е играч на Атлетико од 2019 година, но од 2020 до 2022 година беше позајмен во Јувентус. Сега, по трет пат, сака да игра за клубот, кој, очигледно, го обожава.
