Специјалниот пратеник на американскиот претседател Доналд Трамп за војната во Украина, Стив Виткоф пристигна во Москва, јави руската државна новинска агенција ТАСС. Виткоф треба да се сретне со руски официјални претставници за да разговараат за тоа како да се прекинат борбите.
Кремљ претходно денеска потврди дека САД дале некои информации за предложениот прекин на огнот – кој би траел 30 дена. Кремљ соопшти дека Вашингтон и доставил на Русија одредени информации за предложениот прекин на огнот во Украина и ќе продолжи да го прави тоа во очекуваните разговори во живо во наредните денови.
Американските преговарачи се на пат за Русија, изјави претходно за новинарите портпаролот на Кремљ, Дмитриј Песков, без да навлегува во детали.
Песков рече дека Јуриј Ушаков, советник за надворешна политика на рускиот претседател Владимир Путин и Мајк Волц, советник за национална безбедност на САД, разговарале телефонски во средата, пренесува Index.hr.
Кремљ одби да коментира дали Русија им го пренела на САД списокот со барања за ставање крај на војната во Украина.
Две лица запознаени со ова прашање изјавија за Ројтерс дека руските и американските официјални лица разговарале за условите на Русија лично и практично во текот на изминатите три недели.
ИЗДВОЕНИ
Доживотен затвор за убиството кај Мавровка – од затворски викенд тргнал во убиствен поход
МНР: Жалиме што Бугарија се обидува одговорноста за неисполнување на нивните меѓународни обврски да ја префрли врз нас
Мицкоски: Правата на Македонците во Бугарија не се мешање во внатрешните работи
Бессона ноќ во Неапол: По силниот земјотрес граѓаните ја поминаа ноќта на улиците/ВИДЕО
