Трамп воведе царини од 33% за Македонија!

Американскиот претседател Доналд Трамп потпиша одлука за воведување царини на глобално ниво, а неговиот говор од Градината на розите во Белата куќа беше проследен низ целиот свет.

Актуелниот американски претседател Доналд Трамп воведе нови царини за 60 држави, вклучително и Македонија, како и земјите од регионот, со што значително ќе се промени динамиката на увозот во САД. За Македонија е воведена царина од 33%, додека пак Србија е погодена со највисока стапка од 37%, Босна и Херцеговина со 35%, додека за Црна Гора и за Косово од 10%.

„Ова е денот кога повторно ќе ја збогатиме Америка – затоа велам дека 2 април 2025 година е Ден на ослободувањето. Работниците, земјоделците и занаетчиите страдаа од рацете на странските мршојадци кои нè експлоатираа и крадеа од нас. Од нашите даночни обврзници се крадеше повеќе од 50 години, а тоа нема да се случи повторно. Ова е еден од најважните моменти во американската историја. Предолго гледавме како другите се збогатуваат на наша сметка“, почна Трамп, поздравувајќи ги и претставувајќи ги своите најблиски соработници.

Потоа неколку пати повтори дека американската економија е жртва на странско влијание и практики. Тој ги обвини другите земји за загадување на животната средина и дека само САД се казнети и нападнати поради тоа.

Американскиот претседател Доналд Трамп во еден момент од неговиот говор покажа табела со наслов „Реципрочни царини“. Графиконот ги прикажува царините што другите земји ги наметнаа на САД и царините што САД штотуку ги воведоа на тие земји.

Алжир 30%
Оман 10%
Уругвај 10%
Бахамите 10%
Лесото 50%
Украина 10%
Бахреин 10%
Катар 10%
Маурициус 40%
Фиџи 32%
Исланд 10%
Кенија 10%
Лихтенштајн 37%
Гвајана 38%
Хаити 10%
Босна и Херцеговина 35%
Нигерија 14%
Намибија 21%
Брунеи 24%
Боливија 10%
Панама 10%
Венецуела 15%
Северна Македонија 33%
Етиопија 10%
Чана 10%

Американски реципрочни царини

Кина 34%
Европската Унија 20%
Виетнам 46%
Тајван 32%
Јапонија 24%
Индија 26%
Јужна Кореја 25%
Тајланд 36%
Швајцарија 31%
Индонезија 32%
Малезија 24%
Камбоџа 49%
Обединетото Кралство 10%
Јужна Африка 30%
Бразил 10%
Бангладеш 37%
Сингапур 10%
Израел 17%
Филипини 17%
Чиле 10%
Австралија 10%
Пакистан 29%
Турција 10%
Шри Ланка 44%
Колумбија 10%

Земја Американски реципрочни царини
Перу 10%
Никарагва 18%
Норвешка 15%
Костарика 10%
Јордан 20%
Доминиканска Република 10%
Обединетите Арапски Емирати 10%
Нов Зеланд 10%
Аргентина 10%
Еквадор 10%
Гватемала 10%
Хондурас 10%
Мадагаскар 47%
Мјанмар (Бурма) 44%
Тунис 28%
Казахстан 27%
Србија 37%
Египет 10%
Саудиска Арабија 10%
Ел Салвадор 10%
Брегот на Слоновата Коска 21%
Лаос 48%
Боцвана 37%
Тринидад и Тобаго 10%
Мароко 10%

„Тие ни наплаќаат, ние им наплаќаме. Кој може да се лути?“, се запраша тој. Тој најави дека САД ќе им наплатат на другите земји „околу половина“ од она што тие земји им го наплатуваат на САД.

„Значи, царините нема да бидат целосно реципрочни. Можев да го сторам тоа, да, но тоа би било тешко за многу земји“, додаде тој. Според графиконот, Велика Британија може да очекува царини од 10%, Европската унија ќе биде погодена со стапка од 20%.

Според новите мерки, царините на производи од Европа ќе изнесуваат 20%, а најниската тарифа за увоз во САД ќе биде 10%. Трамп посебно ги нападна трговските практики на Канада, Мексико и Кина, инсинуирајќи дека сегашните американски власти ги поттикнуваат економските загуби.

LIBERATION DAY RECIPROCAL TARIFFS 🇺🇸 pic.twitter.com/ODckbUWKvO

— The White House (@WhiteHouse) April 2, 2025