Доналд Трамп конечно се сретна со неговиот, како што рече, омилен претседател, аргентинскиот лидер Хавиер Милеј, објави Би-Би-Си.
Трамп и Милеј се сретнаа во Флорида пред самитот на конзервативните инвестиции.
Инаку, лидерот на аргентинската десница е првиот странски лидер кој се сретна со новоизбраниот американски претседател, по неговата победа на претседателските избори во САД на 5 ноември.
На церемонијата во одморалиштето Мар-а-Лаго на Трамп во четвртокот, Милеј му честиташе на новоизбраниот претседател и рече дека победата докажала дека „небесните сили биле на наша страна“.
Милеј се очекува да присуствува на Самитот на инвеститори за конзервативна политичка акција (CPAC). Зборувајќи на англиски и шпански, самопрогласениот „анархо-капиталист“ ги критикуваше нефер даночните системи што предизвикаа „прераспределба на богатството“.
Тој, исто така, го пофали Илон Маск, бизнисменот милијардер кој ќе го води новото Министерство за владина ефикасност на Трамп, тврдејќи дека неговата страница на социјалните мрежи X помогнала да се „спаси човештвото“.
