Трамп: „Помалку да се грижиме за Путин, има поголема опасност!“

По разговорите меѓу Доналд Трамп и Володимир Зеленски во Белата куќа, сите очи на светот се вперени во продолжението. Многу се зборува за мирот во Украина, но и за Владимир Путин. Европските лидери се состанаа на самитот во Лондон, а потоа Франција и Велика Британија предложија прекин на огнот.

Се огласи и американскиот претседател, кој се чини дека е загрижен за други работи, иако го обвини Зеленски дека би можел да предизвика Трета светска војна.

„Треба помалку да се грижиме за Путин, а повеќе за мигрантските банди силувачи, нарко босовите, убијците и луѓето од менталните институции кои влегуваат во нашата земја – да не завршиме како Европа! – порача Трамп на својата социјална мрежа Truth Social.