Трамп по разговорот со Зеленски: На добар пат сме

Американскиот претседател Доналд Трамп денеска телефонски разговараше еден час со украинскиот претседател Володимир Зеленски.

Трамп потоа нејасно објави на социјалните мрежи дека целта на разговорите е „Русија и Украина да се усогласат во однос на нивните барања и потреби“ и додаде: „Ние сме на вистинскиот пат!“.

Трамп се обидува да посредува за прекин на огнот во тригодишната војна меѓу двете земји, предизвикана од руската инвазија на Украина.

Американскиот претседател рече дека им наложил на државниот секретар Марко Рубио и на секретарот за внатрешна безбедност Мајкл Волц да објават детали од разговорот во идната изјава.