Американскиот претседател Доналд Трамп уште еднаш се огласи со остри реакции на изјавите на рускиот претседател Владимир Путин, кого претходно во неколку наврати го пофали. Во неделата Трамп се закани дека ќе воведе секундарни царини за руската нафта, кои се движат од 25 до 50 отсто, доколку верува дека Москва ги попречува неговите напори да стави крај на војната во Украина.
Овие мерки би можеле да стапат на сила за само еден месец доколку не дојде до прекин на огнот. Трамп, исто така, изрази лутина поради критиките на Путин кон украинскиот претседател Володимир Зеленски, велејќи дека изјавата „го изнервирала“.
Сепак, според новите информации, ситуацијата дополнително се усложнува. Имено, на коментарите на Путин во вечерното обраќање реагираше и украинскиот претседател Володимир Зеленски. Зеленски истакна дека бруталноста на руските напади, кои не престануваат дење и ноќе, јасно покажува дека Путин не е заинтересиран за дипломатија.
Како што пренесува SkyNews, тој истакна дека Русија ја игнорира понудата на САД за безусловен прекин на огнот и продолжи со напади со дронови, бомби и проектили. Зеленски ги повика САД и нивните партнери да го зголемат притисокот врз Русија за да ја прекине нејзината способност да води војна, нагласувајќи ја важноста на санкциите и натамошната помош за Украина во форма на воздушна одбрана.
Доналд Трамп, од друга страна, тврди дека има „психолошки рок“ Русија да се согласи на прекин на огнот. Според него, ако Русија го „одложи“ договорот, тој ќе се налути. Тој, исто така, го спомна Зеленски и неговите „големи проблеми“ доколку се обиде да се повлече од договорот за минерали со ретки земји со САД. Трамп истакна дека Украина секогаш била далеку од можноста за членство во НАТО, тема што создава тензии меѓу него и Зеленски, уште еднаш демонстрирајќи го длабокиот јаз меѓу украинскиот претседател и рускиот лидер.
ИЗДВОЕНИ
Граѓаните сами да ги читаат броилата за да не плаќаат астрономски сметки за струја
Ќе се најде ли чаре за радиоактивниот облак кој со години ја труе пола Македонија!?
Како девојчето што го љубел папата Франциск во детството ја одреди судбината на Католичката црква
Каков би можел да биде новиот папа? Одговор дава вештачката интелигенција!
