Во својот прв говор на заедничката седница на Конгресот во неговиот втор мандат, претседателот Доналд Трамп најави неколку иницијативи за зајакнување на националната одбрана во САД и во странство.
Трамп рече дека САД ќе ја „воскреснат“ својата „бродоградежна индустрија, вклучително и комерцијална бродоградба и воена бродоградба“.
– И за таа цел, вечерва најавувам дека ќе создадеме нова канцеларија за бродоградба во Белата куќа и ќе понудиме посебни даночни олеснувања за да ја вратиме оваа индустрија дома во Америка, каде што и припаѓа. Порано изградивме толку многу бродови. Веќе не правиме многу од нив, но ќе ги направиме многу брзо, многу брзо – рече Трамп.
Тој додаде дека ќе ја подобрат националната безбедност со „враќање на Панамскиот канал“.
– Баш денеска голема американска компанија објави дека ги купува двете пристаништа околу Панамскиот канал и многу други работи поврзани со Панамскиот канал и неколку други канали. Панамскиот канал го изградија Американците за Американците, а не за другите. Но, други би можеле да имаат корист од тоа, рече тој, додавајќи дека каналот е изграден „по огромна цена на американска крв и богатство“.
При изградбата на каналот загинале 38 илјади работници, а причина за смртта биле каснувања од змии и комарци, како и маларија.
Трамп рече дека каналот е „подарок“ од администрацијата на Џими Картер „за еден долар“ и дека договорот е „многу сериозно прекршен“.
– Не и го дадовме на Кина, и го дадовме на Панама и го враќаме назад. – додаде тој.
Тој зборуваше и за Гренланд и рече дека ако сакаат да се приклучат на САД, „добредојдени се“.
– Силно го поддржуваме вашето право да ја одредите сопствената иднина, а доколку сакате, ви посакуваме добредојде во Соединетите Американски Држави. Гренланд ни треба за национална безбедност, па дури и меѓународна безбедност. Работиме со сите вклучени за да се обидеме да го добиеме. Ние ќе се грижиме за вас. Ќе ве збогатиме. И заедно ќе го однесеме Гренланд до височини какви што никогаш не мислевте дека е можно – рече претседателот.
Трамп, исто така, го објави својот план за изградба на противракетен одбранбен штит „златна купола“ за заштита на САД.
ИЗДВОЕНИ
Низ „виенската врата“ во средината на март се враќа зимата
Голема временска аномалија во Македонија: Календарски уште незапочната, пролетта со карактеристики на рано лето!
„Францускиoт нуклеарен арсенал – штит за цела Европа“: Макрон ќе започне дискусија за заштита од Русија која „станала директна закана“
Стармер дециден: Не сакам да ја вовлекувам Британија во војна со Русија
