Рускиот претседател Владимир Путин со задоволство ќе ги пречека сите шефови на држави кои се подготвени да го прослават овој празник со Русија во Москва за прославата на Денот на победата, изјави портпаролот на Кремљ, Дмитриј Песков, одговарајќи на новинарско прашање дали се разгледува можноста Трамп да ја посети Русија на Денот на победата, 9 мај.
Песков рече дека Трамп може да дојде во Русија штом се договори таква посета.
Во интервју за телевизијата „Русија 1“, Песков истакна дека посетите на руските официјални лица на САД би можеле да се случат веднаш штом ќе бидат укинати санкциите, наведувајќи дека тоа може да се спроведе брзо.
Песков нагласи дека средбата меѓу Путин и Трамп бара посебни напори во однос на подготовката, изготвувањето на агендата и прелиминарната размена на мислења на работно ниво, пренесува Танјуг.
„Изјавите на Трамп ја покажуваат неговата желба за мир“, рече Песков. Тој посочи дека ова е голема промена во однос на претходната американска администрација со која, како што наведе, не бил можен дијалог.
Песков исто така нагласи дека телефонскиот разговор меѓу Путин и Трамп во средата претставува силен сигнал за почеток на дијалогот за мир во Украина. „Нивниот разговор беше конструктивен, работен, пријателски“, рече Песков, пренесе Интерфакс.
Тој исто така посочи дека првата потенцијална средба меѓу Путин и Трамп добива посебно значење во сегашните околности. Песков објасни дека за организирање на средбата би била потребна помала подготовка доколку постоел редовен дијалог меѓу Русија и САД.
ИЗДВОЕНИ
Минчев: Изјавата на Меџити за масовни вработувања е класичен пример на предизборен популизам, тој да не се однесува како Алиса во Земјата на чудата
Нови снимки покажа ОЈО, обвинетите се собираат кај Велибор Манев вечерта пред убиството на Панче
Мицкоски, гостин на Атлантскиот совет во Вашингтон: Македонија останува посветена на заштитата на националните интереси и идентитет
Тешките симптоми на грип се резултат на енормното загадување и слабиот колективен имунитет
