Американскиот претседател Доналд Трамп вечерва, по потпишувањето на извршната наредба за јагленот, ги коментираше царините што им ги воведува на американските трговски партнери.
Претседателот изјави дека неговите недамнешни најави за царините биле „помалку експлозивни“, но тој истакна дека биле клучни за неговата визија за САД.
Трамп нагласи дека парите „влегуваат“ од царините што веќе ги воведе.
„Царините се тука“, додаде тој.
Трамп нагласи дека САД дневно ќе заработуваат 2 милијарди долари од тие мерки. Американскиот претседател го изнесе ова тврдење без дополнителни детали.
Повторувајќи многу тези кои ги изнесе во последиве денови, како и онаа што ја спомна неговата портпаролка претходно денеска, Трамп рече: „Имавме разговори со многу, многу земји“, кои сакаат да преговараат за царините.
„Нашиот проблем е во тоа што не можеме да разговараме со толку многу земји одеднаш. Но не мораме, бидејќи царините се тука и парите доаѓаат на ниво какво што никогаш претходно не се виделе“, додаде тој.
Трамп исто така тврдеше дека извршните директори на индустријата изразиле желва за отворање фабрикио и фирми во САД, каде што нема да бидат подложени на царини.
