Новоизбраниот претседател Доналд Трамп го избра д-р Мехмет Оз за администратор на здравствените системи финансирани од државата „Медикер“ (Medicare) и „Медикејд“ (Medicaid).
„Го познавам д-р Оз многу години и уверен сум дека тој ќе се бори да обезбеди сите во Америка да ја добијат најдобрата можна здравствена заштита, за нашата земја повторно да биде одлична и здрава“, рече Трамп во изјавата од вторникот, пренесе Си-Ен-Ен.
Оз, кардиоторакален хирург и телевизиска личност, неуспешно се кандидираше за Сенатот во 2022 година во Пенсилванија со поддршка на Трамп.
Пред да се кандидира за Сенатот, Оз беше водител на истоимената емисија „Д-р Оз“ и чест гостин на „Шоуто на Опра Винфри“, каде често даваше медицински совети.
