Трамп: Има само една стратегија за крајот на војната во Украина и зависи од Путин

Новоизбраниот американски претседател Доналд Трамп изјави во понеделникот дека ќе се сретне со рускиот претседател Владимир Путин „многу брзо“ откако ќе ја преземе функцијата следната недела.

Тој не даде временска рамка за средбата, која ќе биде прва меѓу лидерите на двете земји од почетокот на руската војна со Украина во февруари 2022 година, објави Ројтерс.

На прашањето за неговата стратегија за завршување на војната, Трамп изјави за Newsmax: „Па, има само една стратегија и тоа зависи од Путин, и не можам да замислам дека е премногу воодушевен од начинот на кој се одвива, бидејќи ни него не му оди баш најдобро.

„И знам дека сака да се сретнеме и јас ќе се сретнам со него наскоро. Ќе го направев тоа порано, но… мора да влезеш во канцеларија. Мора да бидеш таму за некои работи“, додаде Трам, кој ќе биде официјално инаугуриран на 20 јануари.

Американскиот конгресмен Мајк Волц, новиот советник за национална безбедност, во неделата изјави дека очекува телефонски разговор меѓу Трамп и Путин во „наредните денови и недели“.