Најмалку 13 лица се повредени кога се урна метална конструкција во форма на птица на божиќна манифестација во францускиот град Трувил во Нормандија, јавија денеска француските медиуми.
Стотици луѓе присуствуваа на вчерашната бадникова парада наречена „Небесна фантазија“ кога се случи несреќата, објави весникот Ouest France.
Металната конструкција паднала врз присутните и во таа прилика биле повредени 13 лица, од кои двајца потешко, додека останатите се здобиле со полесни повреди. На настанот присуствуваа многу родители со своите деца.
Меѓу повредените има и двегодишно девојче и нејзината мајка.
На местото на настанот интервенираа бројни служби за итна помош, полиција и пожарникари. Во акцијата за спасување учествуваа 46 пожарникари од неколку околни градови.
ИЗДВОЕНИ
Скопје „европска престолнина“ на загаденост: И утрово дишеме отровен воздух!
Гори Лос Анџелес: Пожарникарите веќе не се ни обидуваат да ги спасат куќите/ВИДЕО
Трамп: Ќе се случи пекол ако Хамас не ги ослободи заложниците до инаугурацијата на 20 јануари
„РАЦЕТЕ ПОДАЛЕКУ ОД ЕВРОПА“ – Макрон со жестока порака до Маск: Милијардерот се меша во изборите и ја „турка“ на власт екстремната десница
