„Ти, е**н идиоте, нема повеќе руска империја!“: Експремиерот Џонсон со пцовки и навреди му се обрати на Путин/ВИДЕО

Поранешниот британски премиер Борис Џонсон во неодамнешното интервју за „Ести експрес“ изрази цврсти ставови за Русија и Владимир Путин. Џонсон посочи дека е време Западот јасно да му каже на Путин дека Русија повеќе не е империја, а ситуацијата ја спореди со Велика Британија, која ја прифати својата изменета улога во светот.

„Западот мора да му каже на Владимир Путин дека Русија повеќе не е империја“, изјави поранешниот британски премиер Борис Џонсон во интервју за „Ести експрес“, нарекувајќи го рускиот лидер „ебен идиот“.

Џонсон нагласи дека иако поранешната Британска империја била една од најголемите во светот, денес Велика Британија ја прифатила својата нова улога и е задоволна од неа. Тој го искористи овој пример за да ја илустрира потребата да се промени перцепцијата на Русија за сопствената големина и влијание во современиот свет.

Во контекст на војната во Украина, Џонсон повика на поддршка за влез на Украина во НАТО и ги истакна критиките за „хронично двосмислениот“ пристап на Алијансата кон Киев. За време на неговиот мандат, Џонсон беше еден од најголемите застапници на Украина и неколку пати го посети Киев за време на конфликтот.

Поранешниот британски премиер не крити зборови кога ја опиша руската војна како „архаична и варварска“, нагласувајќи дека Москва треба да разбере дека земјите како Естонија, Латвија, Литванија и Украина повеќе не се дел од Руската империја. Тој остро му порача на Путин дека „нема повеќе руска империја“.

Boris Johnson with a message for Putin:

“Estonia, Latvia, Lithuania and Ukraine are no longer part of the Russian Empire. It’s over, Vladimir, you f***ing idiot, no more Russian Empire” pic.twitter.com/o31i7PNsQD

— Visegrád 24 (@visegrad24) January 11, 2025