Тешка и драматична сцена на пријателот на Ѓоковиќ: Димитров едвај дишеше и за малку ќе се онесвестеше во Мајами (ВИДЕО)

Неуништливиот бугарски тенисер Григор Димитров, се пласираше во полуфиналето на Мастерсот во Мајами. Моментално на 15. теисер на АТП-листата го победи Франциско Серундоло со 6:7, 6:4, 7:6, по два часа и 48 минути игра. Димитров за пласман во финалето ќе се соочи со победникот од мечот меѓу Новак Ѓоковиќ и Себастијан Корда.

Популарниот „Гриша“ триумфот го оствари промашувајќи седум сет топки во првиот сет, а потоа успеа да ја надополни брејк негативата во решавачкиот сет, спасувајќи меч поен во 12. гем. Бугаринот лани стигна до финалето, каде беше поразен од Италијанецот Јаник Синер.

Натпреварот помеѓу Аргентинецот и Бугаринот започна со размена на брејкови. Во 10. гем Димитров имаше дури пет сет-топки, но не ги искористи. Во тај-брејкот стигна до уште два врзани поени, но Серундоло магично се повлече, врза четири поени и го „украде“ првиот период.

Тоа не го спречи Димитров, да направи брејк во првиот гем од вториот сет и рутински ја одржуваше таа предност. Третиот сет беше доста интересен, Бугаринот во неколку наврати делуваше разочарано, но секогаш се враќаше. Прво го врати брејкот во средината на сетот, а потоа ја спаси меч топката во 12. гем, некако обезбедувајќи тајбрејк и го доби мечот.

Grigor Dimitrov struggled immensely after his #MiamiOpen quarterfinal win vs Cerundolo 🤕

Will the 🇧🇬 recover in time for his semifinal vs Djokovic/Korda? pic.twitter.com/aFQs2N6iGL

— Tennis Channel (@TennisChannel) March 27, 2025

Но, Бугаринот веднаш по триумфот доживеа сериозна непријатност. Одеднаш му се слоши, а лекарите веднаш излегоа на терен. Тој имаше потешкотии со дишењето, му беше измерен притисок, а на лекарите им реќе дека му се врти.  Со нивна помош на крајот го напушти теренот, но не им беше достапен на новинарите за изјави, како што е вообичаено по натпреварите. Не се знае точно што се случило, а постои можност условите во Мајами, секако и тешкотијата на овој меч, да влијаеле на бугарскиот тенисер.

Димитров, доколку биде способен, за противник во борбата за финалето ќе го има Ѓоковиќ, доколку српскиот тенисер биде подобар од Себастијан Корда.