Според новите правила, менаџментот на апликацијата за допишување на Телеграм може да ги открие IP адресите и телефонските броеви на оние кои ги прекршуваат правилата на платформата за пораки, кога ќе прими правни барања од властите, објави основачот на мрежата, Павел Дуров..
„Јасно ставивме до знаење дека IP-адресите и телефонските броеви на оние кои ги прекршуваат нашите правила може да им бидат откриени на релевантните органи како одговор на разумни законски барања“, напиша Дуров на својот Телеграм канал.
Основачот на апликацијата за допишување (месинџер) рече дека Условите за користење и Политиката за приватност сега ќе бидат единствени за сите корисници, без разлика на географската локација.
