Taравари утревечер ќе одлучува дали ќе остане во Вреди или самостојно ќе настапи на локалните избори

Таравари утре вечер на партиски состанок ќе одлучува дали ќе остане во коалиција заедно со Меџити, Касами и Ибраими или пак, ќе има самостоен настап на локалните избори. Во секој случај, за Таравари барем јавно, опција не е никаква соработка со опозиционерот Ахмети.

Ова ги враќа на почеток превирањата во Вреди откако во петокот по лидерски состанок на колицијата беа испратени смирувачки тонови дека работни групи на Демократско движење, Алијанса, БЕСА и Алтернатива ќе ги пеглааат разликите и ќе одредат кому што припаѓа од колачот за локалните избори.

Меџити и Касами веќе отворено застанаа зад опцијата за заеднички настап на Вреди на локалните избори бидејќи тоа ќе значи обединување на гласовите и поголем број на градоначалници и советници во однос на ДУИ. И двајцата испратија порака дo Таравари побрзо да олучи на чија страна e особено по информациите дека разговара со ДУИ за поддршка во некои ошштини. Дополнително, Касами и викендов со порака дека „секој што ќе излезе од групата ризикува да го изеде волкот“.

Ако Таравари се одлучи за самостоен настап, тоа ја отвара дилемата дали Вреди ќе прифати тој да биде втор албански партнер во Владата на Мицкоски. Имено, Меџити веќе коментираше дека во тој случај контрадикторно ќе биде Таравари да остане во Владата бидејќи таму ќе треба да ги испорачува барањата на Ахмети.