Вкупно 57 од 193 пациенти од трагедијата во Кочани остануваат да се лекуваат во болниците во Скопје и во странство, двајца се во критична состојба, изјави денеска министерот за здравство, Арбен Таравари.
– Од 57-мина, деветмина се во Скопје. Двајца се моментално на Клинички, на Пластична хирургија. Четворица се во „Свети Наум Охридски“, еден пациент е во ГОБ „8 Септември“. Другите се лекуваат во приватни болници. Сите се во стабилна состојба – подвлече Таравари.
Во странство се лекуваат 48 лица од трагедијата во Кочани.
– Еден пациент се враќа од Унгарија, па ќе останат четириесет и седуммина пациенти во странство – рече Таравари.
Тој рече дека двајца се во критична состојба, другите се екстубирани. Некои се на рехабилитација, други чекаат оперативни зафати. Како позитивен пример, министерот посочи дека пациентка која двапати била реанимирана и која од вчера е на Пластична хирургија, е во сосема подобра состојба.
– Добар пример за пациент што беше многу тежок – додаде Таравари.
ИЗДВОЕНИ
Коцевски: Издадена е наредба за приведување на седум нови полициски службеници за пожарот во Кочани
Опозицијата бара оставка, на Тошковски критиките му се комплимент
Европскиот сон патува кон „втора лига“ – проширувањето на ЕУ заглавено меѓу ветувања и блокади!
Паричниците и мобилните в рака, ловот по пониски цени почнува!
