Словенечкиот велосипедист Тадеј Погачар (26) имаше неверојатна сезона, откако по трет пат победи на најпрестижната велосипедска трка Тур де Франс, а славеше на Џиро д’Италија и ја освои титулата светски првак. Еди Меркс во 1974 година и Стивен Рош во 1987 година се единствените двајца велосипедисти кои го направија овој успех пред Погачар.
Фантастичната сезона беше наградена со продолжување на договорот со тимот на ОАЕ Емирати до 2030 година. La Gazzetta Dello Sport ги откри деталите од договорот што го прави најплатениот велосипедист во светот. Никој во светот на велосипедизмот не ги достигна овие бројки“, истакнуваат италијанските медиуми и потсетуваат дека Словенецот е дел од тимот на Емирати од 2019 година.
Досега Погачар заработуваше седум милиони евра по сезона, не сметајќи ги бонусите, додека според новиот договор ќе има осум милиони евра. Тоа значи дека до крајот на договорот ќе заработи околу 50 милиони евра. Доколку некој друг тим сака да го доведе, на ОАЕ ќе треба да им плати отштета од 200 милиони евра колку што е откупната клаузула на Погачар.
„Овој тим е моето семејство. ОАЕ беа првиот тим што праша за мене кога бев дете. Заедно имавме големо влијание на велосипедизмот. Горд сум на она што го постигнавме во текот на шест години“, рече Погачар, пренесува Газета.
Шефот на ОАЕ, Мауро Џанети додаде: „Тадеј едноставно не е на пазарот. Тој не сака да замине, тој е дел од оваа земја. Тоа што го прави за Абу Даби вреди многу повеќе од трките што ги победува. Погачар е горд на Тој создава ентузијазам, децата плачат кога се фотографираат со него. Велосипедизмот станан национален спорт“
