Општина Центар почна со проектот „Цел Центар на точак“, односно и годинава ќе го субвенционира купувањето велосипеди, е-велосипеди, е-тротинети, како и купувањето дополнителна опрема (детско седиште, кацига, светло, катадиоптри, ѕвонче, безбедна сајла, катанец и слично) за нив во 2025 година.
За таа цел, денеска е распишан јавен повик, кој ќе трае сè до исцрпување на средствата предвидени во буџетот на Општина Центар, по принципот „прв дојден – прв услужен“. Притоа ќе се субвенционираат 30 % од цената за купување велосипеди, е-велосипеди, е-тротинети, но најмногу до 3.000 денари и 30 % од цената за купување дополнителна опрема, односно детско седиште, кацига, светло, катадиоптри, ѕвонче, безбедна сајла, катанец и слично, за велосипед, е-велосипед и е-тротинет, но најмногу до 1.000 денари.
Секој полнолетен жител на Општина Центар што купил велосипед, е-велосипед, е-тротинет и дополнителна опрема, односно седишта за деца и/или кациги за велосипед, е-велосипед или е-тротинет, започнувајќи од 21 март, потребно е да достави: барање за субвенција, кое е достапно во архивата и на веб-страницата на Општина Центар – www.centar.gov.mk, копија од лична карта, копија од трансакциската сметка, како и фискална сметка во оригинал.
ИЗДВОЕНИ
Над 150 мртви во катастрофалниот земјотрес во Мјанмар и Тајланд
Трамп се закани: „Америка мора да го има Гренланд. Ако Данска и Европа тоа не го разбираат, ќе мора да им го објасниме“
Киев не може да ја контролира сопствената армија: Зеленски дозволува напади врз енергетски објекти во страв од војниците
Нова мистерија во Египет: Откриена 3600 години стара гробница на неидентификуван фараон
