Страотни снимки од Шпанија: Најмалку 63 жртви во разорните поплави кои носат се пред себе/ВИДЕО

Од страна на
Вечер
-
945
Фото: X SamuRivas
Најмалку 63 лица загинаа во поплавите во шпанската провинција Валенсија, потврди Интегрираниот оперативен координативен центар на шпанското Министерство за внатрешни работи, кој собира информации од различни безбедносни и вонредни органи. Покрај тоа, 88-годишна жена загина во Мира и се стравува за животите на шест лица кои исчезнаа вчера во Албасете, пренесува El Pais.

Министерството за одбрана ги стави на располагање мобилните мртовечници поради стравувањата дека кога калта што поплави многу градови во Валенсија ќе почне да се отстранува, ќе се најдат уште тела и ќе се зголеми бројот на загинати. Шпанската војска мобилизираше авиони, воени летала и тренирани кучиња за да ги лоцираат телата на загинатите.

Шпанскиот премиер Педро Санчез ги повика жителите да не „да бидат подготвени“, бидејќи поплавите продолжија да предизвикуваат хаос во Валенсија. Десетици луѓе ја поминаа ноќта качени на камиони или автомобили, на покривите на продавници или бензински пумпи или заробени во своите возила чекајќи да се спасат.

Дождовите предизвикаа прекин на електричната енергија за 155.000 граѓани, затворени патишта во неколку источни и југоисточни провинции, а брзата железничка линија меѓу Мадрид, Валенсија и медитеранскиот коридор кон Барселона ќе остане затворена цел ден. Невремето од утрово се движи кон север, особено кон провинциите Кастелон, Куенка и Теруел.

https://twitter.com/i/status/1851423356035236351

 

Социјалните мрежи се преполни со апокалиптични снимки од целосно поплавени населби и стотици натрупани возила кои насилниот порој ги турна по улиците, како лисја.

https://twitter.com/i/status/1851564183915024867

ПОВРЗАНИ ОБЈАВИПОВЕЌЕ ОД АВТОРОТ