Американскиот Стејт департмент објави извештај за борбата против дрогата и перењето пари во Албанија, во кој се нагласува дека повеќето незаконски активности се поврзани со дрога и корупција, пишува Газета експрес.
Стејт департментот, наводно, бара подлабока судска истрага поради оваа причина.
„Албанија треба да ги спроведе постоечките закони и да ги прошири капацитетите на полицијата и обвинителството да се фокусираат на корупцијата, перењето пари и економскиот криминал. Албанија мора целосно да ја спроведе судската реформа започната во 2016-2017 година. “, се наведува во документот, пренесува Косово онлајн.
Стејт департментот во извештајот ја оценува работата на Специјалното обвинителство, споменувајќи ги истрагите против поранешниот премиер Сали Бериша и поранешниот министер за животна средина Лефтер Кока.
„Во октомври 2023 година, СПАК објави истрага за поранешниот премиер Сали Бериша, кој беше санкциониран од САД за корупција, откако неговиот зет примил речиси пет милиони долари. Исто така, во октомври, судовите го осудија поранешниот министер за животна средина Коца за перење пари, корупција и злоупотреба на службената положба, откако една компанија му дала 1,47 милиони долари“, се заклучува во документот, во кој се споменува дека треба да се регулира законодавството за микрокредитни институции и дигитални валути.
ИЗДВОЕНИ
Мицкоски, гостин на Атлантскиот совет во Вашингтон: Македонија останува посветена на заштитата на националните интереси и идентитет
Поканет е во својство на премиер: Мицкоски ќе има обраќање на годишната Конференција за конзервативна политичка акција во Вашингтон
Тешките симптоми на грип се резултат на енормното загадување и слабиот колективен имунитет
Интелигентната моќ и неверојатниот дизајн на Galaxy S25 Ultra
