„Среќен сум што ја завршив кариерата, воопшто не ми недостасува тенисот“

Еден од најдобрите тенисери на сите времиња Рафаел Надал зборуваше за пензионерските денови. Тој накратко во разговорот ги коментираше и шансите на сонародникот Карлос Алкараз да го освои Мастерсот во Мадрид.

– Ако Карлос игра добро, тој е секогаш фаворит – смета Рафаел Надал.

Зборуваше за деновите што ги минува во пензија и рече дека воопшто не му недостига да игра.

– Тенисот воопшто не ми недостига, но не затоа што кариерата ја завршив уморен. Напротив, многу среќно ја завршив кариерата. Кога би можел да продолжам да играм, ќе бидам затоа што тоа е нешто што отсекогаш сум го сакал, ми носи страст и така е цел живот. Но, кога ќе сфатиш дека не можеш повеќе, треба да ја затвориш таа фаза од животот и јас така направив. Но, се разбира, не беше лесно да се донесе таа одлука.

– Она што беше лошо е што лежев на софата и мислев дека сепак можам да продолжам да играм. Кога видов дека моето тело нема да се опорави доволно за да продолжи како што сакам, решив да престанам. Гледам тенис, не многу, но ги следам резултатите.

Што го чека Надал во иднина и дали можеби ќе биде селектор на Дејвис куп репрезентацијата?

– Не знам, не можам да предвидам. Само што завршив со играњето, тоа беше долго патување. Морам да се подготвам за она што доаѓа. Имам семејство и не знам што ќе се случи. Очигледно е дека можам да бидам кандидат, но мора да се поклопат некои околности кои се уште не се поклопуваат.