Средбата меѓу рускиот претседател Владимир Путин и американскиот специјален пратеник Стив Виткоф посветена на решавање на конфликтот во Украина заврши доцна во петокот по повеќе од четири часа.
Кремљ на својата веб-страница објави фотографија на која се гледа како двајцата официјални лица се ракуваат, истакнувајќи дека средбата се одржала.
„Темата на средбата – аспекти на украинското решение“, соопшти Кремљ.
Руските новински агенции јавија дека средбата траела повеќе од четири часа.
Интерфакс објави дека Виткоф, специјалниот пратеник на претседателот Доналд Трамп за Блискиот Исток, кој се повеќе се ангажира со Русија, го напуштил местото на состанокот – претседателската библиотека во Санкт Петербург, вториот по големина град во Русија.
Тасс објави дека инвестицискиот пратеник на Путин, Кирил Дмитриев, се вратил во хотел во градот.
