Спречен украински терористички напад! Се огласи ФСБ – сакале да употребат отровни материи

Руската Федерална служба за безбедност (ФСБ) соопшти дека спречила украински терористички заговор насочен кон персоналот на претпријатие во руската одбранбена индустрија во градот Јарослав.

Осомничениот е руски државјанин кој работел за Киев, а кој планирал да ги труе работниците во објектот со отровни материи, се вели во соопштението на агенцијата, објавија руски медиуми.

Мажот бил приведен откако примил два контејнери со „опасни хемикалии“ подготвен од украинските специјални служби, соопшти ФСБ. Супстанциите за кои станува збор може да предизвикаат потенцијално фатални изгореници на дишните патишта, стои во соопштението.

Осомничениот планирал да ги истури хемикалиите во воздушните канали на возилата управувани од вработени во одбранбеното претпријатие.

„Активностите на терористот беа координирани од територијата на Украина преку странски апликации за пораки“, нагласи ФСБ.

Јарослав се наоѓа на реката Волга, околу 250 км североисточно од Москва. Градот, кој има над 570.000 жители, е главен град на регионот Јарослав.

Не е првпат разузнавачки служби на Киев да се обидат да користат токсични хемикалии за да извршат напади во Русија по ескалацијата на украинскиот конфликт, соопшти ФСБ.

Претходно, украински агент беше приведен поради наводен обид со храна и пијалоци да отруе матуранти од школата за воени пилоти во јужниот град Армавир, соопшти агенцијата.

Во Санкт Петербург се уапсени и четири лица кои планирале да ги контаминираат прехранбените производи подготвени од волонтери за руските трупи на фронтот, додаде ФСБ.

Во февруари минатата година, наводно бил спречен терористички напад со хемиската супстанца 3-квинуклидинил бензилат (кој НАТО го нарекува БЗ) во рускиот регион Запорожје. Според агенцијата, од осомничените биле запленети хемикалии дизајнирани од САД.