„СпејсИкс“ ја испрати првата Германка во вселената

Рабеа Рог, 29-годишна роботичарка од Берлин, е првата Германка што отпатува во вселената, полетувајќи со ракетата SpaceX доцна синоќа.

Инженерката по електротехника е една од четворицата „меѓународни авантуристи“ лансирани од станицата на вселенските сили Кејп Канаверал во Флорида.

Според германскиот вселенски центар, Рог е 13-та личност со германско државјанство што отишла во вселената, но првата жена меѓу нив. За време на три до петдневна мисија на капсулата Dragon на „Спејс Икс“ (SpaceX), тимот ќе ги набљудува поларните региони на Земјата за да го испита феноменот познат како „Стив“ кој вклучува виолетови ленти на небото, слични на поларната светлина.

Рог студирала електротехника и информатичка технологија на ETH Цирих пред да се префрли на Норвешкиот универзитет за наука и технологија, каде што го завршува својот докторат. Таа беше поканета на летот од Малтежанец со кинеско потекло, Чун Ванг, милијардер на криптовалути кој ја нарачал и финансирал мисијата.

Ванг и Рог, наводно, се сретнале додека тренирале за експедиција во северниот норвешки архипелаг Свалбард. Со нив во вселената се и норвешки режисер и австралиски поларен истражувач, но ниту еден од членовите на екипажот не е обучен астронаут или нема пилотска дозвола.