Спанулис лут како рис: Ако си уморен, врати ги парите и оди си дома

Василис Спанулис нема трпение за ничии оправдувања. Неговиот Монако беше поразен од Панатинаикос со 88:76 и сега тимот од кнежевството е во опасност да испадне од првите четири места на табелата, кои водат директно во плејофот. Монако има 20 победи, една повеќе од Реал Мадрид, Барселона и Баерн, а Спанулис по поразот жестоко го критикуваше односот на неговите играчи и посветеноста во мечот што можеше да им ја обезбеди предноста на домашниот терен во плејофот од Евролигата.

• Ние сме професионалци. Овие играчи имаат среќа да играат кошарка професионално и да заработат милиони. Некои други немаат што да јадат. Многу е неправедно кон животот да се каже дека сте уморни од играњето кошарка. Ако некој е уморен, нека си оди дома, но потоа да ги врати парите што му се исплатени, изјави нервосно Спанулис.