Со силна емоција и солзи, советничка од редовите на ВМРО-ДПМНЕ денеска поднесе оставка од функцијата во Советот на Општина Кочани, обвинувајќи го општинското раководство дека е „болно по функции“ и дека приоритетите на граѓаните биле игнорирани.
Советничка на ВМРО-ДПМНЕ во Кочани, Кристина Атанасова-Арсова низ солзи си поднесе оставка од функцијата за време на изборот на в.д. градоначалник во Кочани.
– Барам прошка и им се извинувам на сите граѓани кои ми го дадоа својот глас. Не успеав да реализирам многу од ветеното, бидејќи тоа не беше важно за градоначалникот и раководството – рече таа, додавајќи дека наместо за јавниот интерес, тие се грижеле само за лични привилегии.
Во моменти кога Советот бираше в.д градоначалник, таа ја достави својата оставка до претседателот на Советот:
„Ова е страшно понижувачко и недостојно и за мене и за оние кои ме поддржаа. Тие што не ме знаат ќе осудуваат, но тие што ме знаат – ќе разберат зошто го правам ова“.
Советничката посочи дека отсега ќе се посвети на своето повредено дете и на сите други деца што се соочуваат со болка:
„Сите идеали не вредат колку солзите на едно дете – рече таа, по што следуваше тишина и пауза на седницата, бидејќи многумина од присутните не можеа да ги задржат емоциите“.
ИЗДВОЕНИ
Коцевски: Издадена е наредба за приведување на седум нови полициски службеници за пожарот во Кочани
Опозицијата бара оставка, на Тошковски критиките му се комплимент
Европскиот сон патува кон „втора лига“ – проширувањето на ЕУ заглавено меѓу ветувања и блокади!
Паричниците и мобилните в рака, ловот по пониски цени почнува!
