Областа Фафенхофен ан дер Илм е само една од единаесетте области во Баварија кои прогласија состојба на катастрофа поради невидени поплави во областа. Како што пренесуваат германските медиуми повикувајќи се на извештајот на ДПА, во неделата пукнале две брани во областа Фафенхофен, а во поплавата се удавил 42-годишен пожарникар.
Како што пишува Bayerischer Rundfunk, околу 85.000 од вкупно 130.000 жители на тој округ се „во акутна итна ситуација“.
Според БИЛД, стотици, ако не и илјадници луѓе морале да бидат евакуирани или доброволно да ги напуштат своите домови.
Двете пробиени брани се на реката Паар, притока на Дунав, изјави портпаролот на окружната администрација, јави ДПА.
Bavarian state premier Markus Soeder says #floods that hit southern #Germany have caused “enormous” damage. A state of emergency has been declared in several districts, and severe weather warnings have been issued in over 10 districts. #PlanetMatters pic.twitter.com/6rIIBu1r4c
— CGTN Global Watch (@GlobalWatchCGTN) June 2, 2024
Некои региони во јужна Германија во рок од 24 часа регистрираа повеќе дождови отколку што обично паѓаат во текот на еден месец, соопшти денеска Германската метеоролошка служба (ДВД).
Во градот Кислег во југозападната покраина Баден-Виртемберг се регистрирани 130 милиметри дожд само во петокот, информира ДВД. Регионот вообичаено регистрира 118 милилитри дожд во овој период од годината.
Во Бад Ворисхофен во соседната држава Баварија, 129 милиметри дожд паднале во рок од 24 часа, во споредба со месечен просек од 101 милиметри.
Слични вредности се пријавени низ целиот регион.
