Соработник на Трамп се онесвести на говорница/ВИДЕО

Од страна на
Вечер
-
73
Алекс Брузевиц, советник во кампањата на новоизбраниот американски претседател Доналд Трамп, ненадејно се онесвести за време на говорот на галата на Њујоршкиот клуб на млади републиканци во неделата вечерта. Бруцевиц настапувал како претставник на идниот постар помошник во Белата куќа, Ден Скавино, кога почнал да пелтечи, а потоа замолчи и почнал да се тетерави, пред ненадејно да падне на бината.

На видеото кое кружи на социјалните мрежи се гледа како Брузевиц се обидува да остане на нозе, додека очните капаци полека му паѓаат. Набрзо губи рамнотежа и паѓа, повлекувајќи ја говорницата надолу со себе. Неколку присутни веднаш притрчале да му помогнат.

Сè уште не е позната причината зошто му се слоши на Брузевиц, а неговите соработници подоцна известија дека неговата состојба е стабилна и се опоравува.

„Разговарав со нашиот пријател Алекс Брузевиц и знаеш што ми кажа? Ме праша: „Дали барем изгледав кул?“ – рече Рахим Касам, поранешен помошник на Најџел Фараж, обраќајќи им се на присутните. „Му реков: „Алекс, ја искористи гравитацијата на начин на кој никој досега не ја користел гравитацијата“, додаде тој на шега.

По инцидентот се огласи и Доналд Трамп кој изрази уверување дека Брузевиц брзо ќе закрепне.

„Знам дека Алекс ќе биде добро бидејќи е силен. За тоа нема сомнеж. Затоа сакам да го поздравам Алекс, бидејќи тој е навистина посебен човек“, рече Трамп, пренесе Newsweek.

ПОВРЗАНИ ОБЈАВИПОВЕЌЕ ОД АВТОРОТ