Сопствениците на ПСЖ го купуваат клубот што „исчезна“

Откако го купија ПСЖ, Катар Спортс Инвестментс освои дури 10 титули во француската Лига 1,  седум купови, играа во финалето на Лигата на шампионите, а трофејот во тоа натпреварување е единствениот кој недостасува. Под водство на катарскиот сопственик Насер Ал-Келаифи, некои од најскапите и најдобрите фудбалери во светот играа на „Паркот на принцовите“.

Катарските шеици се полни со амбиции кога е во прашање најважната споредна работа. Тие веќе земаа добар дел од португалска Брага, но нема да застанат тука. Три години подоцна, следува уште една голема инвестиција.

Катар Спортс Инвестментс наскоро треба да го прошири своето портфолио со друг клуб од Пиринејскиот Полуостров. Британскиот новинар Марк Клајнман објави дека се работи за преземање на шпанска Малага, а веста ја потврди и француски L’Equipe.

„Двете страни се во напредна фаза во преговорите за договорот кој е проценет на 100 милиони евра. Инволвираните во случајот планираат брз резултат“, беше објавено.

Во моментов, второлигашот е во сопственост на шпанската групација за хотели и недвижности BlueBay (49 проценти) и катарскиот принц Абдула Ал Тани.

„QSI е заинтересиран за Малага од неколку причини, вклучувајќи го и фактот дека градот ќе биде еден од градовите домаќини на Светското првенство во 2030 година и дека стадионот ќе биде подложен на модернизација и реконструкција. Покрај тоа, Малага, шестиот по големина град во Шпанија, е пазар што треба да се освои“, објаснува францускиот дневен весник.

Можеби многумина го паметат шпанскиот клуб од некои подобри времиња кога беше дел од самиот врв на шпанскиот фудбал.

Тогаш за Малага играа Иско, Руд ван Нистелрој, Роке Санта Круз, Хулио Баптиста, Хавиер Савиола и Санти Казорла. Во сезоната 2011/12, тимот од Андалузија заврши на четвртото место во Ла Лига, со што се квалификуваше за Лигата на шампионите. Таму се претстави брилијантно и беше елиминиран дури во четврт-финалето по драматичната пресметка со Борусија Дортмунд (0:0 и 2:3).

Во следните години клубот не можеше да ги повтори тие резултати, а го мачеа финансиски и организациски проблеми. Затоа сезоната 2017/18 заврши последен во Ла Лига и испаднаа.  По пет години минати во елитата, дури испадна во третата лига, каде што помина една година. Сезонава повторно игра во Секунда дивизион, без особен успех – по 25 кола има 42 бода и на 15-та позиција на табелата. Заостануваат девет бода зад шестото место, кое обезбедува пласман во плеј-офот во Ла Лига.