Сопругата на Нетанјаху под истрага: Наводно заплашила сведок, а веќе била обвинета за измама и злоупотреба на положбата

Израелските власти покренаа истрага против сопругата на израелскиот премиер Бенјамин Нетанјаху, Сара, поради наводна обид за заплашување сведок и за мешање во случај во кој нејзиниот сопруг беше обвинет за корупција, објавија денеска израелските медиуми.

Федералното обвинителство ја известило сопругата на Нетанјаху дека е отворена истрага против неа по барање на пратеничката од Демократската партија, Нама Лазими, пишува The Times of Israel.

Започнувањето на истрагата уследи по извештајот на ТВ каналот 12, во кој се наведува дека Сара Нетанјаху му наредила на поранешниот советник на нејзиниот сопруг да организира протести и кампања против Хадас Клајн, клучен сведок во една од постапките против израелскиот премиер.

Пратеникот Лазими изјави дека покренувањето кривична истрага против Сара Нетанјаху е важно за правосудниот систем и владеењето на правото. Лазими додаде дека истрагата открила дека сопругата на Нетанјаху се обидела да им наштети на службениците на обвинителството со дискредитирање на сведоците, што се многу сериозни прекршоци за кои таа мора да биде изведена пред лицето на правдата.

Сара Нетанјаху во 2019 година беше обвинета за измама и злоупотреба на службената должност, а врз основа на договорот таа се изјасни за виновна, со што се намалија обвиненијата против неа.

Таа беше обвинета дека нарачувала оброци од луксузни ресторани иако во официјалната резиденција имало готвач со полно работно време, а признала дека проневерила 50.000 долари од државни средства.