Одборот ги избра логото и постерот за манифестацијата „Гевгелија – Град на културата за 2025 година“. Тој беше едногласен за идејните решенија дизајнирани од Катарина Пренда.
Станува збор за модерни и хармонични визуелни композиции што ги одразуваат богатата историја, културното наследство и визијата на Гевгелија како Град на културата во 2025 година. Инспирацијата за логото е црпена од релјефна чаша со претстава на македонски штит, III-II век пред нашата ера, пронајдена на археолошкиот локалитет Вардарски Рид – Гевгелија.
Логото е прикажано како сонце со концентрични кругови, симбол на Гевгелија за нејзините светлина, топлина, виталност и гостопримство и град епицентар на културните настани во 2025 година.
Инаку, јавниот повик за избор на идејни решенија за заштитниот знак (лого) и за постерот за проектот од национален интерес – „Гевгелија – Град на културата за 2025 година“, беше распишан на 3 март 2025 година, од страна на Одборот. Во рокот предвиден за достава на апликациите пристигнаа идејни решенија од вкупно деветмина апликанти и од еден апликант по истекувањето на рокот.
ИЗДВОЕНИ
Наместо да го чува премиерот, го продал за 50 илјади евра!
Обезбедувачот на Мицкоски заврши во притвор
ХРТ сними документарна емисија за трагедијата во „Пулс“: „Кочани – прекината младост“/ВИДЕО
93 пациенти од несреќата во Кочани закрепнаа и се на домашно лекување, тројца и натаму се во критична состојба
