Софија Блажевска од ООУ „Браќа Миладиновци“ го освои првото место

39

Ученичката Софија Блажевска од VI одделение од ООУ „Браќа Миладиновци“ го освои првото место на Државниот натпревар по германски јазик, што се одржа на 28 март во Охрид. Учениците од ова основно училиште уште еднаш го потврдија своето знаење по германски јазик и покрај освоеното прво место, тие постигнаа и други значајни резултати на натпреварот.

Општина Аеродром и в. д. градоначалникот, Дејан Митески, ѝ го честитаа првото место на Софија, а истовремено упатија честитки и до сите ученици од ООУ „Браќа Миладиновци“, како и од другите основни училишта што учествуваа на Државниот натпревар.

– Им посакуваме уште многу успеси во иднина, како по германски јазик, така и по сите други предмети – соопштија од Општина Аеродром.

 

ИЗДВОЕНИ